BE.174 Logu no.184
TOROP DOPE

Ayat 1
Torop do pe na siat i Di hasampuran rea
I pe hamu pardosa i Sai olo ma porsea
Ai Debata manjou hamu Tu hasonangan situtu
Hamu, hamu Dijou Debatamu.

Ayat 2
Tama longang roham, ale Umbege pangontangna
Antong sai unang jua pe Tangihon pamiona
Ai Debata mamio ho Dibahen i sai ro ma ho
Sai ro, sai ro Tu surgo ma ho ro.

Ayat 3
Pardosa ho didok roham, na so tama be dohot?
Ndang pola ala ni dosam, umbaen na sundat bongot.
Ai nunga sae do dosam i, digarar Tuhan Jesus i
Naung sae, naung sae, naung sae do dosami.

Ayat 4
Haporseai ma hata i Ai i do hatuaon
Haposi Tuhan Jesus i MudarNa i ma golom
Ai nang gok dosa rohami Malua ho bahenon ni
Tutu, tutu Malua baenon ni.

Ayat 5
Antong, beha roham disi ? Sai rap ma hita bongot
Tu hasampuran rea i Tu hasonangan sogot
Tapuji ma Tuhanta i Dibaen asi rohaNa i
Tongtong, tongtong Asi rohaNa i.
